Lada Phi don Ha ka Ram ruh, phim Dei ban Khuslai!

Ka ram, ka-shah ka dei shi bynta jong ka jingim jong ngi ki briew katba ngi dang sdang ban ieng ha la ki jong ki kjat. Ngim dei ban sngewpoh lane rit mynsiem ban shim ram ban ia ka ba ngi thok ne shukor. Nga dang khynnah palat ban don ka lad seng kam, seng-jam namar ngam pat da iaid lynti than ha ka pisa-pilain. Namar ka jingbyllya ka jong nga ka ba la palat ka 11 snem ha nongbah Delhi, nga don ka jingshemphang khyndiat kumno ban im bai-sngi ha ka die, ka-thied. Lada nga khein ia ka sut kaba nga siew harum-haneng, ka la don hi kumba 32% lane 33%. Teng-teng na ka tulop jong nga, nga don ki jingduna kumba shi-pawa ei ei, kaba mut, lada ka tulp jong nga ka dei Rs.25,000, nga don beit ka jingduna kaba Rs.4000 haneng-harum man la u bnai. Ki daw ki long kine harum:-

  1. Teng-teng don ki baieit, ba-thoin kiba wan sah kai bad phi bad ki kmen ban don bad phi.
  2. Don ka por ba ngi don ka jingiakynduh paradoh, para-snam kiba sah jngai na la ing khamtam ha nongbah Delhi. Ka jinglut lehse ka lah ban long ha ka bai reserved kali lane ka bai bam, bai-dih bad kumta ter ter.
  3. Don ka jinglut pat kaba ia dei bad ka kam lajong kaba nga trei, nalor ka kam ophis ha company. Haba ngi shong meeting, kan don beit ka jinglut kum ka bai coffee lane bai sha kaba shong dor harum-haneng Rs.700 lane Rs.800 tyngka haba phi ia kynduh bad kiba ia trei kam. Nalor kane ka don ruh ka jinglut kum ka bai reserved kali Uber kaba shong dor Rs.350 lane Rs.400 tang ha ka por leit namar ba haba phi kynduh ia ki client, phi donkam ban riam donburom bad i khuid, i suba. Phi hap ban reserve da ka kali khnang ban lait na ka pum-pum. Ngam juh da kham reserve haba leit phai sha ing namar ngam donkam than.
  4. Ka jinglut jong nga shimet nalor ka bai seng kam, ka long harum-haneng, kumba Rs.4500 lane Rs.5000 tyngka tang ka bai sha lane ba ngan shong pyngngad ha ka sngi shuti. Kane ka dei ka jinglut ha ka shi bnai ha nongbah Delhi.

Lada ka ram jong nga man la u bnai ka long Rs.4000 haneng-harum kumba shiphew snem ei ei, lada nga khein ha ka shisnem ka long, Rs.4000 x 12 months = Rs.48,000 tyngka bad ka sut kaba Rs.32%, (32/100x4000) = Rs.15,360, kaba mut Rs.48000 + Rs. 15,360 (ka sut) = Rs.63,360 ka dei ka pisa kaba nga duna na ka Rs.3 lac tulop ha ka shisnem.

Ka jingshem jong nga shimet, ka long kaba eh ban pyrkhat shaphang ka saving haba phi dang sdang ban trei kam lajong namar phi hap ban pyrkhat shaphang ka bai tiar ba phi thied, katba phi nang lah ban pynkhuid ia ka pisa, katta ka tiar ki nang pyllait bad phi nang lah ban bteng ia ka kam.

Kum ki Khasi ngi bun ka jinglut haka pisa-pilain namar ngi don ki bahaing, ba-hasem, ha ka pang ka shitom, ngim lah hi ruh ban shu leit peit thylli, ngi don ruh ki marjan ki marpar, teng teng ki donkam pisa kyrkieh kumban thied khaw lane thied jhur namar ba kim pat ioh bainong sngi, teng teng ruh ki donkam pisa kyrkieh kum ka bai skul khun ban siew. Ka saving ka ba ngi don, kam da dei than eh na ka bynta jong ngi namar ka jingioh ka la duna lypa tangba hateng-hateng, ki mih kum kine ki jingduna ki bym lah kiar bad lada phi dei u briew u ba la kwah ban long uba shai, phi hap hi ruh ban ia don bynta kum ha ka dong, ka-it lane ka shnong, ka-thaw lada i dei i shnong iba rit. Nga dei u briew uba la leit skul bad sah ruh sha nongbah Delhi, nga hap ban long uba shai, lada ka don kano kano ka jingduna sawdong jong nga, ngam lah ban shu im matlah.

Na ka bynta jong phi kiba la kham rangbah:-

Lada phi don saving, ka bha eh bad lada phi kwah ban ioh 100% return na Rs.100 tyngka, phin sa ioh lada phi bud ia ka Compound interest rule number 72. Kaba mut lada phi buh pisa Rs.100 tyngka ha bank, phin sa ioh Rs.200 tyngka hadien 7 snem 2 bnai, ka ba mut phi hap ban buh ia ka fixed deposit ka ba 7 snem shiteng lane Rs.8 snem.

Khublei Shibun!

--

--

--

Passion drives me to move on in life.

Love podcasts or audiobooks? Learn on the go with our new app.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store
A Andrew Chyne

A Andrew Chyne

Passion drives me to move on in life.

More from Medium

What problems does Corda Blockchain want to solve?and its key features

Energy efficient heating: a guide to buying the right heat pump system

Table 1: 2021/22 Estimated Heating Costs Based on Average Consumption for each Fuel. It shows the high costs of heating via heating oil and propane, lower costs for natural gas, and medium to high costs of electric resistance.

Swimming with Galaxy Watch: End-2End Scenario

Kephi Chromatic Cup: Red Series